iPad များတွင် user account အများအပြားဖြင့် အသုံးပြုနိုင်ရန် Apple စမ်းသပ်နေ

Apple သည် ကျောင်းသားများက စာသင်ခန်းများရှိ iPad များအား ၎င်းတို့၏ account profile များဖြင့် ဝင်ရောက်အသုံးပြုနိုင်စေမည့် feature သစ်တစ်ခုကို စမ်းသပ်လျက်ရှိသည်။

User account အများအပြားဖြင့် အသုံးပြုခြင်းကို Apple ၏ ကွန်ပျူတာများတွင် ကာလအတန်ကြာကတည်းက ထောက်ပံ့ပေးထားသည်။ ဇန်နဝါရီလ ၁၁ ရက်တွင် iOS 9.3 beta ကို ဖြန့်ချိပေးခဲ့သော Apple သည် ကျောင်းများတွင် အသုံးပြုနေသော iPad များအတွက် feature သစ်ကို ယခုနှစ်ကုန်ပိုင်းတွင် ဖြန့်ချိသွားရန် စီစဉ်နေသည်။

EdSurge ၏ အဆိုအရ ကျောင်းများသည် သင်ခန်းစာများပို့ချစဉ် စာသင်ခန်းများရှိ iPad များအားလုံးကို ထိန်းချုပ်နိုင်ခြင်းနှင့် ကျောင်းသားများ၏ screen များကို ဆရာများက ကြည့်ရှုနိုင်ခြင်း ကဲ့သို့သော ပညာရေးနှင့်သက်ဆိုင်သည့် iPad feature များအား beta တွင် ပါဝင်ရေးအတွက် Apple နှင့် ဆက်သွယ်မည်ဖြစ်ကြောင်း သိရသည်။

iPad သည် ကျောင်းများ၊ လုပ်ငန်းများနှင့် အိမ်များရှိ ကွန်ပျူတာများနေရာ၌ အစားထိုးနေရာယူလျက်ရှိသည်။ စာသင်ခန်းများတွင် iPad များကို ဝေမျှသုံးစွဲခွင့်ရရှိခြင်းသည် အခြားသုံးစွဲသူများအပေါ် ထိခိုက်မှုမရှိစေဘဲ ကျောင်းသားများက ၎င်းတို့၏ account များဖြင့် အသုံးပြုနိုင်စေမည် ဖြစ်သည်။ Intelligent Sharing ဟုခေါ်သော အပိုဆောင်း feature တစ်ခုကလည်း ကျောင်းသားများက ၎င်းတို့၏ account များဖြင့် log in ပြုလုပ်ပြီးနောက် iPad တွင် နောက်ဆုံးအသုံးပြုခဲ့သော နေရာမှ ပြန်လည်အသုံးပြုနိုင်စေမည် ဖြစ်သည်။
Apple မှ တာဝန်ရှိသူတစ်ဦးကမူ အဆိုပါ feature အား စာသင်ခန်းပြင်ပရှိ iPad များ၌ အသုံးပြုနိုင်ခြင်း ရှိ၊ မရှိအတွက် မှတ်ချက်ပေးရန် ငြင်းဆိုခဲ့သည်။

Ref: Quartz
Credit internetjournal

သီဟထိုက်
www.thihahtike.com